الخدامه

الشيخ راشد وقف، وبص له مباشرة. تمام يا جابر. يبقى مفيش مشكلة إننا نفتحه دلوقتي. ولأول مرة، عم جابر ماعرفش يرد. فهد قام من مكانه وقال المفتاح معايا يا عمي. طلع مفتاح صغير من جيبه، وحطه على المكتب. الشيخ راشد أخده، وبعدها خرج الجميع من المكتب واتجهوا ناحية المخزن القديم الموجود في آخر الجناح الشرقي. كان المكان مقفول من سنين، والتراب مالي الباب، لكن لما فتحوه، ظهرت رفوف مليانة ملفات وصناديق قديمة.

راشد طلب من الجميع يفضلوا بره، ودخل بنفسه مع فهد. فضلوا يدوروا حوالي عشر دقايق، لحد ما فهد لاحظ صندوق خشب صغير مستخبي ورا خزانة حديد. فتحه، ولقى جواه أوراق قديمة وصورة جماعية لموظفين القصر. لكن تحت الأوراق، كان فيه شيء خلّى فهد يبص لعمه بصدمة. دفتر أزرق صغير، مكتوب على غلافه بخط واضح حسابات القصر سري. الشيخ راشد مد إيده وفتحه. أول صفحة كانت فيها أسماء، وتواريخ، ومبالغ مالية، وتوقيعات.

لكن في آخر الصفحة، ظهرت ملاحظة مكتوبة بخط مختلف الدفعة الأخيرة تم تحويلها بمعرفة الشخص المسؤول عن الإدارة، وبموافقة أحد أفراد العائلة. راشد قلب الصفحة بسرعة، ولما شاف الاسم المكتوب تحت الملاحظة، اتسعت عينيه. فهد سأله بقلق خير يا عمي؟ تعرف الاسم ده؟ الشيخ ما ردش. فضل باصص للاسم كأنه مش قادر يصدق اللي قدامه. وبعدين رفع عينيه ببطء ناحية باب المخزن، حيث كان عم جابر واقف مستنيهم.

وقال بصوت هادي بشكل مخيف اقفلوا باب القصر كله... محدش يخرج قبل ما أعرف مين اللي عمل كده. لكن المفاجأة الأكبر كانت لسه مستخبية في آخر الدفتر، في صفحة مكتوب فوقها تاريخ قديم واسم شخص كان الشيخ راشد فاكر إنه مات من سنين! يتبع... الجزء الرابع الاسم اللي رجّع الماضي من القبــ,,ـــــر! الشيخ راشد كان واقف في نص المخزن، ماسك الدفتر الأزرق بإيد بتترعش رغم محاولته يخفي صدمته.

فهد قرب منه وسأله عمي، إيه اللي مكتوب؟ مين الاسم اللي شفته؟ راشد ما ردش، وقلب للصفحة الأخيرة اللي عليها علامة ورق قديمة. كان مكتوب فيها ملف المرحوم سالم الكتبي الأموال المفقودة قبل وفاته بثلاثة أيام. أول ما قرأ الاسم، الشيخ رجع خطوة لورا، وكأن حد ضــ,,ـــــربه على صدـ,,ـــره. سالم الكتبي ماكانش مجرد موظف قديم في القصر، ده كان المحاسب اللي أسس معاه أول شركة في حياته، والراجل اللي وقف جنبه لما كان لسه بيبدأ طريقه في التجارة.

قبل خمسة عشر سنة، سالم اتوفى في دــ,,ـــــادث عربية، وبعد وفاته بفترة قصيرة، اختفت مستندات مهمة من الشركة، واتقال إن فيه عجز مالي كبير حصل بسبب أخطاء في حساباته. الشيخ راشد وقتها صدّق التقارير اللي وصلته، لكنه عمره ما ارتاح للقصة دي. والأغرب إن بنت سالم اختفت من حياته تمامًا بعد وفــ,,ـــــاه أبوها، ومحدش عرف وصلها لفين.