الخدامه

الطفلة دي كانت لابسة سلسلة فضة صغيرة، فيها تعليقة على شكل نجمة. مريم شهقت، وحطت إيدها على رقبتها. لأنها كانت لابسة نفس السلسلة من يوم ما أمها ادتهالها وهي صغيرة. أمها أول ما شافت السلسلة، قعدت على الكرسي وهي بتعيط. يا رب استر... أنا كنت عارفة إن اليوم ده هييجي. لكن قبل ما تشرح أي حاجة، منصور بص للشيخ راشد وقال يا راشد، لازم تعرف إن الطفلة اللي أبوك حاول يحميها ما كانتش ليلى وحدها.

.. كان فيه طفلة تانية معاها، والاتنين اتفصلوا عن بعض في نفس الليلة. والأخطر من كده، إن الورقة اللي في إيد نورة ما بتقولش مين أخد الطفلة التانية... لكن بتقول إن الشخص ده كان واحد من أفراد عيلة الكتبي نفسها! يتبع... الجزء السابع مريم مش مجرد خدامة في القصر! الأوضة كلها غرقت في صمت تقيل.

الشيخ راشد كان واقف قدام منصور، وعينيه معلقة بالصورة اللي في إيده، بينما مريم حطت إيدها على السلسلة اللي في رقبتها، وكأنها خايفة حد يمد إيده وياخدها منها. نورة قربت من مريم، وبصت للتعليقة الفضية. ممكن أشوف السلسلة دي؟ مريم اترددت، وبعدين فكّتها من رقبتها وادتهالها. نورة قلبتها بين صوابعها، ولما شافت العلامة الصغيرة المحفورة على ظهر النجمة، شهقت.

يا نهار أبيض! العلامة دي كانت موجودة على سلسلة أختي ليلى! مريم هزت راسها وهي مش قادرة تستوعب. أمي قالتلي إن السلسلة دي كانت بتاعة واحدة ساعدتنا زمان، وإنها احتفظت بيها لحد ما كبرت وادتهالي. أنا عمري ما عرفت إنها مرتبطة بعيلة الكتبي! أم مريم بدأت تعيط، والشيخ راشد قرب منها وقال يا أم مريم، أنا مش هضغط عليكي، لكن لازم نفهم. إنتِ تعرفي إيه عن الطفلتين دول؟

الست مسحت دموعها، وقعدت وهي بتاخد نفسها بصعوبة. من خمستاشر سنة، كنت بشتغل في بيت قديم تابع للعيلة. في الفترة دي، حصلت مشاكل كبيرة بعد وفــ,,ـــــاه سالم الكتبي، ووالدة نورة كانت خايفة على بنتيها من إنهم يتاخدوا منها. نورة قاطعتها بلهفة أمي كانت عايزة تحمي ليلى؟! أيوه يا بنتي. لكنها ما كانتش واثقة في كل اللي حواليها. كان فيه شخص بيقول إنه بيساعدها، وفي نفس الوقت كان بيطلب منها توقّع أوراق من غير ما تقراها.

الشيخ راشد عقد حواجبه. مين الشخص ده؟ أم مريم بصت لمنصور، وبعدها قالت أنا ما شفتش وشه بوضوح في الليلة دي. لكني سمعت اسم خالد أكتر من مرة. راشد اتجمد. خالد كان اسم والده، اللي توفى من سنين طويلة. لكن منصور رفع إيده وقال استنى يا راشد. اسم خالد كان اسم شخص تاني كمان في الشركة، ومش كل ورقة عليها الاسم ده معناها إن والدك هو اللي وقّعها.

راشد أخد نفس طويل. عندك حق. مش هتهم أبويا ولا أي حد قبل ما نتأكد. وبعدين التفت لمريم. السلسلة دي، هل عندك أي حاجة تانية ورثتيها من والدك أو والدتك ومش عارفة أصلها؟ مريم فكرت شوية، وبعدها قالت فيه علبة صغيرة عند أمي، فيها صورة قديمة ومفتاح نحاس. أمي عمرها ما سمحتلي أفتحها، وكانت بتقول إن الوقت المناسب لسه ما جاش. منصور رفع رأسه بسرعة. مفتاح نحاس؟ شكله إيه؟