امك مش خدامه

قلت له خير يا أحمد قال أنا عرفت إنك ورثتي فلوس من أبويا وإن فيه استثمارات باسمه قلبي دق بسرعة لكني حاولت أكون هادية سألته مين قال لك كده قال خالتي سعاد عرفت من حد كان يعرف أبويا وإن فيه مبلغ كبير قلت له أيوه يا أحمد أبوك ساب لي ميراث سألني قد إيه قلت له المبلغ يخصني يا أحمد ومش هتكلم في تفاصيله بص لي وكأنه مش مصدق قال يعني إنتي معاكي فلوس كتير

وسايباني أنا غرقان في الأقساط هنا عرفت إن الاعتذار اللي سمعته منه لسه ماكانش كفاية قلت له إنت عرفت بالميراث إمتى قال من يومين سألته وطب قبل ما تعرف كنت بتعاملني إزاي ما ردش قلت له أنا مش هعاقبك عشان ظروفك صعبة لكن مش هقبل إنك تفتكر إن فلوسي حقك لمجرد إنك ابني اتعصب وقال أنا ابنك الوحيد ومن حقي أعرف رديت عليه إنت ابني وده شيء عمره ما هيتغير لكن فلوسي مش ملكك وأنا

حرة أقرر أعمل بيها إيه قال يعني مش هتساعديني قلت له لو احتجت مساعدة في حاجة ضرورية هسمعك ونشوف حل مناسب لكن مش هدفع فلوسي عشان أفضل أشتري رضاك أو أضمن إنك تعاملني كويس أحمد وقف قدامي مش عارف يقول إيه وبعدين قال بصوت مكسور أنا عمري ما تخيلت إنك

ممكن تبقي غنية بالشكل ده بصيت له وقلت وأنا عمري ما تخيلت إن ابني ممكن يقيس قيمتي بالفلوس نزل عينه في الأرض المرة دي ما كانش عنده رد بعد شهور قدرت أبدأ مشروعا صغيرا لمساعدة الأمهات اللي ظروفهم صعبة والستات الكبار اللي مالهمش حد يرعاهم خصصت جزءا من ثروتي للمشروع بعد ما استشرت مختصين وتأكدت إن كل حاجة ماشية بشكل قانوني ومنظم ما كنتش عايزة أوزع فلوس وخلاص كنت عايزة أساعد الستات إنهم يلاقوا شغل

ويتعلموا حرفة ويقدروا يعيشوا بكرامة وفي يوم الافتتاح فوجئت بأحمد داخل المكان ومعاه ولاده يوسف جري عليا وحــ,,ـــــضني وقال وحشتيني يا تيتة نزلت لمستواه وحــ,,ـــــضنته وبوسته قلت له وإنت كمان وحشتني يا حبيبي أحمد وقف بعيد شوية لحد ما قربت منه قال لي أنا جيت أشوف المكان اللي بتعمليه ابتسمت وقلت له أهلا بيك يا أحمد بص حواليه وشاف الستات اللي بيشاركوا في المشروع والأطفال اللي بيلعبوا في الركن المخصص لهم قال لي إنتي بتعملي

كل ده عشان تساعدي الناس قلت له أيوه يا ابني لأن ربنا اداني فرصة أقدر أعمل بيها حاجة كويسة سكت شوية وبعدين قال أنا كنت فاكر إن الفلوس هي اللي بتدي الإنسان قيمته بصيت له وقلت الفلوس ممكن تريح الإنسان لكنها مش هي اللي بتحدد قيمته وبعدين كملت أبوك كان