امك مش خدامه

عني ولا لأ وفي يوم وأنا راجعة من عند المحامي لقيت أحمد واقف قدام باب شقتي الجديدة كان شكله مرهق ولحيته طالعة وملامحه متغيرة أول ما شافني قرب بسرعة وقال أمي وقفت مكاني قال لي أنا بدور عليكي من أسبوع قلت له عرفت مكاني إزاي قال خالتي سعاد قالت لي إنك ممكن تكوني في المنطقة دي وأنا فضلت أسأل لحد ما وصلت لك سكت شوية وبعدين قال ممكن أدخل أتكلم معاكي كنت أقدر أقفل الباب في وشه وأسيبه يمشي زي ما كان ممكن يعمل معايا لو احتجته في يوم لكن أنا مش هو فتحت الباب وقلت له اتفضل دخل وبص للشقة الصغيرة اللي كنت لسه بجهزها قال باستغراب إنتي ساكنة هنا لوحدك قلت له أيوه بص حواليه وبعدين قال طب ليه يا أمي ما رجعتيش البيت أنا قلت لك إني آسف قعدت على الكنبة وقلت له اقعد يا أحمد قعد قدامي وبدأ يتكلم بسرعة قال إنه كان مضغوط في الشغل وإنه ماكانش يقصد يجرحني وإنه عارف إني زعلت سمعته لحد ما خلص كلامه وبعدين سألته إنت جاي تصالحني يا أحمد ولا جاي عشان محتاجني أرجع أساعدكم اتوتر وبص في الأرض قال إيه الكلام ده يا أمي طبعا جاي عشان إنتي أمي قلت له طيب لو أنا رجعت البيت هل هتكون

مستعد تعمل الأكل وتغسل الأطباق وتراعي ولادك بنفسك لما أكون تعبانة قال بسرعة طبعا يا أمي سألته وهل هتقبل إنك تطلب مني حاجة باحترام زي ما بتطلب من أي حد تاني قال أيوه قلت له وهل هتفتكر إن ليا حياة ووقت وراحة مش ملكك سكت أحمد والسكون اللي حصل بيننا كان أقوى من أي إجابة بص لي بعد لحظات وقال أنا مش متعود يا أمي ابتسمت بحزن وقلت له عارفة يا حبيبي ودي مشكلتك إنك اتعودت على عطائي لحد ما نسيت إنه مش واجب عليا أضحي بنفسي طول العمر عينيه دمعت وقال أنا آسف المرة دي حسيت إنه ممكن يكون صادق فعلا لكن الصدق مش معناه إن كل حاجة ترجع زي الأول قلت له أنا مسامحاك يا أحمد لكن مش هرجع أعيش معاك رفع عينه بسرعة وقال يعني خلاص يا أمي هتسيبيني لوحدي قلت له أنا مش بسيبك يا ابني أنا بس برجع لنفسي حياتها وبعدين قلت له تقدر تزورني في أي وقت وتجيب ولادك ونقعد مع بعض وناكل ونضحك لكن مش هرجع أعيش في بيت أكون فيه مسؤولة عن كل حاجة من أول الطبخ لحد تنظيف الحمام فضل ساكت شوية وبعدين هز راسه قال حاضر يا أمي ولما قام عشان يمشي حــ,,ـــــضنني الحــ,,ـــــضن ده كان أول حــ,,ـــــضن حقيقي آخده

منه من سنين طويلة بعد ما أحمد مشي فضلت قاعدة لوحدي أفكر في اللي حصل كنت فرحانة إنه بدأ يفهم لكن كنت عارفة إن التغيير الحقيقي مش بيحصل في يوم وليلة وبعد كام يوم جالي اتصال من نجلاء قالت لي بصوت متوتر إزيك يا طنط فاطمة قلت لها الحمد لله يا نجلاء إنتي عاملة إيه قالت كويسة بس كنت عايزة أسألك سؤال اتفضلي قالت هو أحمد قال لك إننا علينا أقساط كتير وإن الشغل عنده مش مستقر اليومين دول استغربت من السؤال وقلت لها لا ما قالش بدأت تشرح لي إنهم محتاجين مبلغ كبير عشان يسددوا التزامات البيت وإنها كانت بتفكر تستلف من أهلها وبعدين قالت الجملة اللي فهمت منها سبب اتصالها الحقيقي إنتي أكيد معاكي فلوس حوشتيها من زمان صح سكت لحظة وبعدين قلت لها أنا عندي اللي يكفيني يا نجلاء لكن مش هقدر أتحمل مصاريف بيتكم اتغير صوتها وقالت يعني إيه يا طنط إنتي مش عايزة تساعدي ابنك قلت لها بهدوء أنا ساعدته طول عمري لكن المساعدة مش معناها إني أكون مسؤولة عن كل مشكلة بتحصل في بيته قفلت المكالمة وأنا متأكدة إن الموضوع مش هيقف عند كده وفعلا بعد يومين أحمد جه لي تاني وكان متوتر جدا قال لي أمي أنا محتاج أتكلم معاكي في موضوع مهم