. هعملك بلوك.. حتى لو انتي أمي أبويا بصلي من بعيد.. كأنه بيقولي.. القرار قرارك قلت لجوزي تعرف ايه اللي يخلي الست ترجع بعد ما أبوها بعت لها اسكاليد سودة خدها من بيتها وهي والدة من 6 أيام؟ قال ايه؟ قلت انها تحس ان جوزها فهم.. مش انه خاېف من أبوها.. انت جاي عشان خاېف من أبويا.
. ولا عشان فهمت انك غلطت؟ سكت ثانية وبعدين قال الاثنين.. خاېف من أبوكي.. وخاېف أخسرك.. بس الأكتر.. اني شفت الكاميرا.. شفتك وانتي شايلة البيبي والشنطة ونازلة لوحدك.. وانا قاعد باكل جاتوه.. ساعتها حسيت اني مش راجل.. حسيت اني عيل صغير بيهرب من مسئولية.. وبيسيب مراته تشيل كل حاجة لوحدها شلت البيبي واديتها له.. أول مرة يشيلها من يوم ما اتولدت.. ايده كانت بتترعش.. والبيبي بصتله وسكتت قلت لو هترجع.
. هترجع بشروط.. عربيتي تفضل معايا.. مفتاحها معايا.. ولو عربيتك بايظة.. تاخد أوبر.. مش تاخد عربيتي.. ولو في عزومة.. يتقال اسم مراتي وبنتي أول ناس.. مش آخر ناس.. ولو أمك بعتتلي رسالة تاني.. انت اللي هترد.. مش أنا.. اتفقنا؟ قال اتفقنا أبويا ساعتها قرب وقال والبيت ده.. هيفضل بيتها.. أي وقت تحب تيجي.
. الباب مفتوح.. والاسكاليد هتفضل تحت.. والسواق هيفضل تحت.. مش عشان انت وحش.. عشان بنتي لازم تعرف انها عمرها ما هتبقى لوحدها تاني.. حتى لو انت خدت عربيتها.. في عربية تانية مستنياها جوزي هز راسه وقال فهمت ومشينا.. بس المرة دي.. أنا اللي سايقة عربيتي.. وهو قاعد جنبي.
. والبيبي ورا في القاعدة الجديدة.. اللي هو اشتراها بفلوسه.. وحطها بايده ولما وصلنا البيت.. لقيت الورقة اللي كنت سايباها تحت نور المطبخ.. لسه مكانها.. والمفتاح فوقها.. شلتهم.. وقطعت الورقة.. وحطيت المفتاح في جيبي عشان البيت ده.. هيفضل بيتي.. بس المفتاح.. هيفضل معايا أنا
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.