ليله هادئة

. 7 كراسي.. مفيش مكان ليا.. يعني هما من الأول مش عاملين حسابي أبويا قام وقف وقال نامي دلوقتي.. البيبي نايمة وانتي لازم تنامي.. وبكرة الصبح هنشوف هنعمل ايه قلت مش عايزة حاجة.. عايزة بس أنام من غير ما أخاف ان حد ياخد عربيتي قال نامي.. عربيتك تحت.. والسواق تحت.. والبيت كله تحت أمرك.. ومحدش هياخد منك حاجة تاني نمت.. أول نومة من 6 أيام من غير ما أقوم كل ساعة أبص على البيبي پخوف..

نمت وانا عارفة ان في حد جنب الأوضة.. مش هياخد مني حاجة.. هيحميني تاني يوم الصبح.. جوزي جه الأسكاليد وقفت قدام البوابة.. الأمن كلم أبويا.. أبويا قال دخلوه.. بس لوحده جوزي دخل.. لابس نفس الجاكيت الكحلي بتاع امبارح.. بس شكله معيط.. ومتبهدل أنا كنت قاعدة في الصالون.. شايلة البيبي.. وشاربة شاي.. ولابسة عباية قطن من عند ماما.. ماما اللي ماټت من 5 سنين.

. عبايتها لسه في دولابي جوزي أول ما شافني قال أنا آسف قلت على ايه؟ قال على امبارح قلت امبارح بس؟ سكت قلت على انك خدت عربيتي وسيبتني من غير كارسيت؟ ولا على انك سيبتني وأنا لسه والدة من 6 أيام وأسورتي في ايدي؟ ولا على رسالة أمك اللي بتقول انك تستاهل ليلة هادية بعيد عني؟ ولا على ال 7 أطباق اللي مفيهومش طبق ليا ولا لبنتك؟

قال والله ما كنت أعرف ان أمك.. قصدي أمك.. قصدي أمي هتبعتلك كده قلت بس كنت تعرف انك سايب مراتك اللي والدة من 6 أيام من غير عربية ومن غير شنطة بيبي ومن غير قاعدة كارسيت.. كنت تعرف دي.. ولا دي كمان مكنتش تعرفها؟ قال كنت فاكر انك هترتاحي ضحكت.. ضحكة طالعة من ۏجع.. قلت ارتاح؟ واحدة والدة من 6 أيام.. جوزها واخد عربيتها.. ومفيش في البيت كارسيت.. هترتاح ازاي؟ هتطير؟ أبويا دخل.

. ما سلمش عليه.. قال اقعد جوزي قعد أبويا قال انت تعرف أنا مين؟ جوزي قال أيوه.. عرفت امبارح أبويا قال لأ.. انت ما تعرفش.. أنا أبو البنت اللي انت سيبتها امبارح من غير عربية.. ومن غير شنطة.. وهي لسه والدة.. وأنا سايبها بقالها سنتين عشان هي اختارتك.. وكنت بحترم اختيارها.. بس انت امبارح خليتني أندم اني احترمت اختيارها جوزي قال أنا بحبها أبويا قال اللي بيحب واحدة والدة من 6 أيام.

. ما ياخدش عربيتها ويروح ياكل جاتوه عند أخته.. اللي بيحب واحدة.. ما يسيبهاش رسالة من أمه بتقول هو يستاهل ليلة هادية بعيد عنك.. ده مش حب.. ده قلة أصل جوزي بصلي وقال قولي له اني كنت كويس معاكي قلت كنت كويس؟ آه كنت كويس.. لما كنت بقولك بطني بتوجعني وتقولي ده دلع.. لما كنت بقولك عايزة أروح للدكتورة وتقولي ما كل الستات بتولد.

. لما ولدت وانت كنت بتلعب على الموبايل بره أوضة العمليات.. آه كنت كويس أوي أبويا قال بص يا ابني.. بنتي مش هترجع معاك النهاردة.. ولا بكرة.. بنتي هتقعد هنا.. لحد ما تفهم يعني ايه تبقى أب.. ويعني ايه تبقى جوز.. ويعني ايه واحدة تديك بنت من لحمها وډمها بعد 9 شهور ۏجع.. وانت تسيبها عشان طبق جاتوه جوزي قام وقال طب عربيتي.. قصدي عربيتها.. أرجعها؟ أبويا قال عربيتها؟