الباشا

ولما فاق قرر يصلح غلطته واتجوزنا،وفي الفتره دي انا وفضت يقرب مني بحجة اني تعبانه نفسيا بسبب اللي حصل،ووقتها عرفت ان حليم مريض ومكنش ينفع اسيب اي حد من عيلته يورثه معايا لو حصله حاجه،فقررت ادبسه في طفل وطبعا قررت استغل سفره برة مصر ومثلت اني حامل بسبب الليله اللي حصلت،وهو صدقني وقبل ما يرجع كان المفروض اني ولدت،ولاني كنت بكدب قررت ابعد سعاد تخطفلي اي طفل لسا مولود بس الغبيه خطفتلي طفل عنده سنه،واتدبست فيه وقررت ادبس حليم في سفريه تانيه بسرعه علشان لما يرجع ميعرفش الحقيقه ويكشفني حبيبها سالها بفضول والبنت اللي حليم اذاها،عملتي معاها ايه!

نيلي بمكرهددت صاحب الفندق واديتله فلوس تسكته هو والبنت،وعرفته ان حليم يبقى راجل غني جدا ويقدر يوقفله خالحال الفندق لو نطق بكلمة. كمل حبيبها كلامها طيب وهو فعلا اقتنع ان الطفل دا ابنه؟ نيلي هزت راسهااقتنع وحبه جدا،واقترح عليا اننا نكمل جوازنا علشان ادم،وانا بصراحه حبيت الطفل لكن لما انت اصريت اننا نسافر وانك هتعوضني عنه قررت اسيبه واجيلك يا بيبي.

حبيبها ابتسم وهي قالتادم فعلا وحشتني بس خلاص انا كده كدة مش امه،وحليم اولى انه يربيه! حبيبها باستغرابوانتي قررتي تستغني عن حليم وفلوسه بالسهوله دي؟ نيلي بصت لحبيبها بمكر وقالتعلشانك ايوه. حبيبها ابتسم وهي كانت بتضحك لانها بتخدعه لانه اغنى من حليم وفلوسه نصها معاها لحد دلوقت،ومستنيه تخلص علي كل مليم معاه وبعدها ترجع من تاني لحليم. _____________________ يتبع للجزء التاني بقلم لوسي