دفــ,,ـــــن وانتقام

_مشيره_محمد من يوم ما أهلي مشيوا من بيتي وهما فاكرين إنهم كسروني وإن مفيش حاجة فاضلالي أتمسك بيها بعد مۏت جوزي وولادي لكن اللي ماكانوش يعرفوه إن جوزي قبل ما ېمــ,,ـــــوت بأسبوعين كان سايبلي سر لو ظهر في الوقت المناسب هيقلب حياتهم كلهم وهيكشف حقيقة ناس طول عمري كنت فاكرة إنهم ضهري وسندي ليلة ما أهلي طلبوا مني أبيع البيت نمت على الكنبة في الصالة بعد ما فضلت ساعات ببص على صور جوزي وولادي وكل شوية أقوم أفتح أوضة الولاد وأقف عند الباب كنت لسه مستنية أسمع صوت ابني الكبير وهو بيجري في الطرقة وأخته الصغيرة بتنادي عليه عشان خد لعبتها لكن البيت كان ساكت بطريقة توجع القلب قمت دخلت أوضة جوزي وفتحت الدولاب عشان أشم ريحته اللي كانت لسه موجودة في هدومه وقتها افتكرت آخر ليلة كان فيها معايا كان قاعد على المكتب بتاعه واللابتوب مفتوح قدامه وأوراق كتير مرمية حواليه ولما دخلت عليه بكوباية الشاي قفل اللابتوب بسرعة استغربت وقلت له مالك يا حبيبي إنت بقالك يومين مش على بعضك وفيه حاجة شاغلاك ابتسم ابتسامة صغيرة وقال لي لو حصل أي حاجة يا سارة عايزك تفتكري إنك متثقيش في أي حد لمجرد إنه من أهلك ضحكت وقتها وقلت له إيه الكلام الغريب ده يا محمود إنت بتشتغل كتير

وده مأثر على أعصابك بص لي شوية وبعدين مسك إيدي وقال أنا بتكلم جد يا سارة ولو في يوم لقيتي نفسك لوحدك افتكري إن الحقيقة مهما اتدفــ,,ـــــنت بتطلع في الآخر افتكرت كلامه وأنا واقفة في أوضته وقلبي بدأ يدق بسرعة فتحت درج مكتبه وبدأت أقلب في الأوراق لحد ما لقيت ظرف بني صغير مكتوب عليه بخط إيده لسارة فقط لو أنا مش موجود إيدي اتجمدت وأنا بمسك الظرف قعدت على الكرسي وفتحته واحدة واحدة كان جواه مفتاح صغير وورقة مكتوب فيها عنوان مكتب محاماة في القاهرة ورقم تليفون وورقة تانية عليها سطر واحد متواجهيش حد قبل ما تعرفي كل الحقيقة فضلت أبص للكلام وأنا مش قادرة أفهم إيه اللي كان محمود خاېف منه للدرجة دي وليه قال لي لو أنا مش موجود تاني يوم الصبح اتصلت بالرقم اللي في الورقة رد عليا راجل صوته هادي وقال أيوه يا فندم مكتب الأستاذ شريف المحامي قلت له وأنا بحاول أتماسك أنا سارة مرات المرحوم محمود عبد الرحمن سكت ثواني وبعدين صوته اتغير مدام سارة أنا كنت مستني مكالمتك من يوم ۏفاة الأستاذ محمود حسيت إن الأرض بتتحرك من تحتي قلت له بسرعة إنت تعرف حاجة عن مۏت جوزي قال لي مش هقدر أتكلم في التليفون يا مدام سارة لازم تيجي المكتب ومعاكي

الظرف اللي سابهولك قفلت معاه وأنا قلبي مليان أسئلة وبعد ساعتين كنت في مكتبه أول ما دخلت لقيته راجل في أواخر الخمسينات قاعد وراه مكتب كبير وقدامه ملف أسود طلب مني أقعد وبعدين قال أنا عارف إن الوقت صعب عليكي جدا لكن محمود كان موصيني لو حصل له أي حاجة أو لو انقطع عن التواصل معايا إني أسلمك الملف ده بنفسي مد إيده بالملف فتحته ولقيت صور تحويلات بنكية وعقود بيع ومستندات عليها توقيعات وفي وسط الورق لقيت اسم أبويا رفعت عيني للمحامي وقلت إيه ده رد بهدوء جوزك كان بيشتغل على مراجعة حسابات شركة استثمار عقاري كبيرة من ضمن ملاكها والدك وزوج أختك حسيت إن نفسي اتسحب مني أبويا كان صاحب شركة مقاولات صغيرة وبقاله سنين بيقول إنه بيحاول يكبر شغله لكن عمره ما قال لي إنه شريك في شركة استثمار كبيرة قلت له يمكن فيه تشابه أسماء هز راسه وقال للأسف لا وبعدين فتح صفحة من الملف وحطها قدامي دي تحويلات مالية خرجت من حسابات خاصة وبعدها اتنقلت لأكتر من جهة واللي اكتشف الموضوع كان محمود أثناء مراجعته للحسابات قلت وأنا ببص للأرقام يعني بابا كان بيسرق قال المحامي أنا مش هحكم على حد قبل التحقيق لكن فيه مستندات بتشير لوجود تلاعب مالي وتزوير في عقود بيع أراضي