كنت بنز.ف

من السفر وإنها هي وكريم انفصلوا بعد مشاكل كبيرة بينهم وقتها بدأت أفهم الصورة كريم اللي ضحى بجوازه وابنه عشان نادين اكتشف بعد سنين إن العلاقة اللي كان مستعد يخسر الدنيا كلها عشانها ما كانتش زي ما تخيل لكن المفاجأة الحقيقية حصلت بعد أسبوع كنت راجعة من الشركة ولقيت أمي قاعدة في الصالة وعمر نايم جنبها بعد ما كان بيلعب أول ما شافتني قالت يا بنتي فيه حاجة لازم تعرفيها قلقت وسألتها خير يا ماما عمر حصل له حاجة قالت بسرعة لا يا حبيبتي عمر بخير الحمد لله بس كريم اتصل بأبوكي وطلب منه يقابله حسيت بقلق وسألتها قاله إيه أمي اتنهدت وقالت بيقول إنه عايز يرجعك وإنه مستعد يصلح كل اللي فات ضحكت بمرارة وقلت يرجعني أنا ولا يرجع ابنه أمي بصتلي بحيرة وقالت مش عارفة يا بنتي بس أبوكي قال له إن الموضوع مش بإيده وإنك إنت صاحبة القرار دخلت أوضة عمر وقعدت جنب سريره وبصيت له وهو نايم روايات_مشيره_محمد كان عنده خمس سنين وبقى ولد شقي وذكي وبيسأل أسئلة كتير عن كل حاجة حواليه وفي الفترة الأخيرة بدأ يسألني عن أبوه في البداية كنت بقول له إن بابا بعيد وإن الظروف خلتنا نعيش لوحدنا لكن مع الوقت بقيت عارفة إن الأسئلة هتكبر وإنه لازم يعرف الحقيقة بطريقة

تناسب سنه تاني يوم وأنا بفطر معاه سألني فجأة ماما هو أنا عندي بابا إيدي وقفت فوق الطبق وبصيت له مين قالك السؤال ده يا حبيبي قال لي كل صحابي في الحضانة بيحكوا عن باباهم وواحد منهم قاللي إنت مالكش بابا عشان عمرنا ما بنشوفه حسيت بغصة في حلقي لكني حاولت أبتسم قلت له كل طفل ليه بابا يا عمر وإنت كمان ليك بابا سألني ببراءة طب هو فين خدت نفس طويل وقلت بابا عايش بعيد عننا يا حبيبي ولما كنت لسه بيبي صغير هو اختار إنه ما يعيش معانا عمر سكت شوية وبعدها سألني هو مش بيحبني السؤال ده وجعني أكتر من أي حاجة حصلتلي في حياتي نزلت لمستواه ومسكت إيديه الصغيرة وقلت له بص يا حبيبي إنت مالكش أي ذنب في أي حاجة حصلت بين الكبار ومش معنى إن حد مش موجود في حياتك إنك إنت مش محبوب بالعكس إنت محبوب من ناس كتير جدًا وأنا وجدك وستك كلنا بنحبك عمر فكر شوية وبعدها سألني طب لو شفته هيعرفني ضمّيته لصدري وقلت له أكيد يا حبيبي لكن جوايا كنت عارفة إن اللحظة دي قربت وإن كريم لو دخل حياة ابني مش هيسبب له غير أسئلة أنا مش عارفة هجاوب عليها إزاي بعد يومين كريم بعتلي رسالة بيطلب فيها

يقابلني في مكان عام عشان نتكلم عن عمر وافقت بشرط إن الكلام كله يكون عن ابني وإنه ما يحاولش يفتح أي موضوع يخص رجوعنا لبعض اتقابلنا في كافيه هادي في مصر الجديدة أول ما شافني قال شكلك اتغيرتي يا مريم قلت له كلنا بنتغير قال أنا عارف إنك مش هتصدقي كلامي بسهولة بس أنا فعلًا ندمان قلت له الندم مش هيغير اللي حصل قال عارف بس يمكن أقدر أعوض جزء من اللي ضاع بصيت له وقلت إنت عايز تشوف عمر وأنا مش همنعك من إنك تطلب ده بالطريقة القانونية المناسبة لكن لازم تبقى فاهم إن عمر مش تجربة جديدة تدخلها حياتك وتشوف هتعجبك ولا لأ كريم هز راسه وقال أنا فاهم قلت له لأ إنت لسه مش فاهم لأنك لو كنت فاهم ما كنتش جيت النهارده تتكلم عن التعويض كأن خمس سنين من عمر طفل ممكن تتعوض بهدية أو بفلوس نزل عينيه وقال أنا مش عارف أبدأ منين قلت له ابدأ بأنك تتحمل مسؤولية قرارك وتفهم إن عمر مش هيحبك لمجرد إنك أبوه وإنك مش هتقدر تشتري مشاعره فضل ساكت وبعدها قال ممكن أشوفه مرة واحدة بس كنت عارفة إن منع المقابلة لمجرد غضبي من كريم مش هيكون الحل الصح على المدى الطويل لكن في نفس الوقت ما كنتش هسمح