زياره بنت خالته

زيارة بنت خالته

روايات_مشيره_محمدالجزء التاني والأخير يوم السبت صحيت من بدري على غير عادتي وكنت هادية بشكل غريب عملت قهوتي ووقفت قدام شباك الصالة ببص على الشارع وأنا مستنية اللحظة اللي هتبدأ فيها الحقيقة تظهر جوزي خرج من أوضته وهو بيفرك عينيه وبص على البيت باستغراب إنتي صحيتي بدري ليه النهارده ابتسمت وقلت له عندي شوية حاجات عايزة أخلصها قبل ما الضيوف يوصلوا هز راسه وهو بيبتسم وقال أنا عارف إني اخترت صح لما اتجوزتك إنتي دايما بتعرفي

تتصرفي وقت الجد بصيت له وابتسامتي لسه على وشي وقلت في سري استنى بس لما تشوف أنا هتصرف إزاي بعد شوية سمعنا صوت عربية وقفت قدام البيت وبعدها الجرس رن جوزي جري ناحية الباب كأنه مستني اللحظة دي من شهور فتح الباب وظهرت بنت خالته نادين وهي شايلة طفلها الصغير ووراها سواق بينزل شنط كبيرة من العربية نادين كانت لابسة لبس غالي جدا رغم إنها كانت بتقول إنها بتمر بظروف صعبة وإنها مش لاقية مكان

تعيش فيه بعد الولادة جوزي حــ,,ـــــضنها بحفاوة مبالغ فيها وأخد منها الطفل وقال لها حمد لله على السلامة يا نادين البيت نور بوجودك دخلت نادين وهي بتبص حواليها بانبهار واضح وبعدها بصت لي من فوق لتحت وقالت بابتسامة باردة إزيك يا حبيبتي معلش هنتعبك معانا شوية أصل أنا لسه تعبانة من الولادة ومحتاجة حد يهتم بيا وبالبيبي رديت عليها بهدوء ألف سلامة عليكي يا نادين ربنا يقومك بالسلامة وبعدين أشرت ناحية الصالة وقلت لها اتفضلي

اقعدي لحد ما نطلع الشنط جوزي بص لي باستغراب لأنه كان متوقع إني أكون متضايقة أو أعمل مشكلة لكنه لما لقى كل حاجة ماشية بهدوء افتكر إنه كسب الجولة بعد ما قعدوا نادين حطت طفلها على الكنبة وبدأت تطلب طلبات من غير أي إحراج عايزة أوضة الضيوف تكون جاهزة وفيها سر,,ـــــير كبير وكمان محتاجة دولاب لوحدي عشان هدومي وحاجات البيبي كتير وبعدين بصت لي وقالت وعايزاكي تعرفي إن الدكتور مانعني من المجهود الفترة دي يعني

مش هقدر أعمل أي حاجة في البيت قبل ما أرد عليها جوزي قال ما تقلقيش يا حبيبتي مراتي هتعمل كل حاجة إنتي ارتاحي بس بصيت له وقلت طبعا كل حاجة هتكون متظبطة وبعدها دخلت المطبخ وكملت تجهيز الفطار كنت سامعاهم بيتكلموا في الصالة بصوت واطي لكن الكلام كان واضح نادين قالت له إنت متأكد إنها مش هتعمل مشاكل رد عليها بثقة متأكد دي وافقت من غير ما تتكلم وبعدين هي مالهاش حق تعترض إنتي بنت

خالتي والبيت كبير وهتقعدي ست شهور وتمشي ضحكت نادين وقالت أنا مش مصدقة إن الموضوع مشي بالسهولة دي كنت فاكرة إنها هتقلب الدنيا رد عليها أنا عارف أتعامل معاها وقتها حطيت فنجان القهوة على الترابيزة وابتسمت لنفسي بعد الفطار جوزي دخل الحمام ونادين طلعت أوضة الضيوف عشان ترتب حاجاتها استغليت الفرصة ودخلت مكتبي وقفلت الباب وفتحت الدرج اللي فيه ملف كبير كنت مجهزاه من يومين كان فيه صورة عقد ملكية البيت وكشوف الحسابات البنكية وصور